Boris Yotov dünyada dekabrın yüksələn ulduzu seçilib
22 Dekabr 2014 23:13

Beynəlxalq Akademik Avarçəkmə Federasiyası (FİSA) Azərbaycan təmsilçisi Boris Yotovu dekabr ayının yüksələn ulduzu (“Rising star”) seçib. Sportpress.az xəbər verir ki, bununla bağlı FİSA-nın rəsmi saytında xəbər yerləşdirilib.

Xəbərdə deyilir: “18 yaşlı Boris Yotov Azərbaycanın perspektivli avarçəkənidir. O, 2013-cü ildə yeniyetmələr arasında 1 nəfərlik qayıqla 2000 metr məsafəyə yürüşdə bürünc medal qazanıb. Bu il Yotov Yeniyetmələrin II Yay Olimpiya Oyunlarında 1 nəfərlik qayıqla gümüş medala sahib olub. O, artıq yüksək səviyyəli idmançı olduğunu böyüklər arasında builki Avropa və Dünya Kubokunda 2 nəfərlik qoşa avarlı qayıqla yürüşdə gümüş medal qazanmaqla göstərib. Bu səbəblərdən FİSA Yotovu avarçəkmə dünyasında yüksəlişdə olan idmançı seçib”.

Qeyd edək ki, Boris Yotov 2 nəfərlik qayıqla 2000 metr məsafəyə yürüşdə Avropa çempionatı və Dünya Kubokundakı uğurlarını Aleksandr Aleksandrovla birgə qazanıb.

  • Share on Tumblr


Oxşar xəbərlər