Zabit Səmədov: “Azərbaycanda ilk dəfədir ki, futbola baxırdım”
10 Aprel 2017 09:33

Topaz Premyer Liqasının XXV turunda baş tutan “Qarabağ” – “Qəbələ” (0:0) oyununu izləyənlər arasında K-1 döyüşçüsü Zabit Səmədov da var idi.

Sportpress.az xəbər verir ki,  “Qarabağ”ın dəvəti ilə oyunu izləməyə gələn Səmədov matçdan sonra jurnalistlərin suallarını cavablandırıb:

- Futbola baxmağa tez-tez gedirsiz?

– Sözün açığı, Azərbaycanda ilk dəfə idi ki,futbola baxırdım. Oyunu izlədim, maraqlı alındı.

- “Qarabağ” azarkeşi olduğunuz şübhəsizdir. Oyunu izləməyə kimin dəvəti ilə gəlmişdiniz?

– “Qarabağ” rəhbərliyi məni dəvət etmişdi. Bildiyiniz kimi, “Qarabağ”ı dəstəklədim. “Qarabağ” son zamanlar ölkəmizi Avropada yüksək səviyyədə təmsil edir. İnşallah bunun davamı gələcək.

- Ümumiyyətlə, Bakıda nə qədər qalacaqsız? Və bu komandalar arasında mayın 5-də kubokun finalında baş tutacaq oyunu izləyəcəksizmi?

– Yox, o qədər Bakıda qalmayacam.

- Millimizin oyunlarını izləyirsiz?

– Əlbəttə. Azərbaycan bayrağı harda varsa, biz də ordayıq. Bayrağımızla qürur duyuruq.
qafqazinfo.az

  • Share on Tumblr