Bakı Şahmat Olimpiadası müsabiqə elan etdi
09 Mart 2016 12:00

Bakı Şahmat Olimpiadası Əməliyyat Komitəsi 42-ci Ümumdünya Şahmat Olimpiadasının maskotunu seçmək üçün milli yaradıcılıq müsabiqəsi elan edir. Sportpress.az xəbər verir ki, iştirak üçün çəkdiyiniz maskotun rəsmini (eskiz) və özünüz haqda məlumat, eyni zamanda əlaqə nömrənizi contact@bakuchess.com ünvanına göndərmək xahiş olunur.

Müsabiqədə bütün gənc peşəkar və həvəskar yaradıcı şəxslər iştirak edə bilərlər. İştirakçılara yaş məhdudiyyəti yoxdur. Müsabiqəyə yalnız Azərbaycan vətəndaşları qatıla bilər. Müraciətlər aprelin 9-na qədər qəbul ediləcək. Qalib iştirakçıya 1000 AZN pul mükafatı və Bakı Şahmat Olimpiadasının təntənəli açılış mərasiminə iki nəfərlik dəvətnamə hədiyyə olunacaq.

Xatırladaq ki, Bakıda təşkil olunacaq Şahmat Olimpiadası sentyabrın 1-də start götürəcək və 14-də başa çatacaq. Ölkəmizdə ilk dəfə baş tutacaq mötəbər yarış Crystal Hall-da keçiriləcək. Olimpiada günlərində paytaxtımızda həm də FİDE konqresinin növbəti iclası olacaq. (Əməliyyat Komitəsinin mətbuat xidməti)

  • Share on Tumblr